| საქართველოს ეროვნული ბანკის მიერ გამოქვეყნებული, ყოველწლიური შედეგების თანახმად (2009 წლის განმავლობაში სადაზღვევო კომპანიების მიერ მოზიდული პრემიის შესახებ ინფორმაცია). |
დაზღვევის საერთაშორისო კომპანია „ირაო“–ს მოზიდული ჯამური პრემია – 56 018 831 ლარის მიხედვით, სადაზღვევო ბაზრის 16% უჭირავს, რაც იმას ნიშნავს რომ შარშანდელი მაჩვენებელი 3%–ით გააუმჯობესა.
აქედან ქონების დაზღვევის სახეობაში მოზიდულმა პრემიამ შეადგინა 11 748 391 ლარი, რაც დაზღვევის ამ სახეობაში ყველა სადაზღვევო კომპანიის მიერ მოზიდული ჯამური პრემიის 40%–ს შეადგენს და შესაბამისად სადაზღვევო კომპანიებს შორის 1 ადგილს განაპირობებს.
„ირაო“–ს მენეჯმენტი ყველაზე დიდ წარმატებად მიიჩნევს, რომ კომპანიის ზრდა არ მიმდინარეობს სახელმწიფოს მიერ დაფინანსებული სამედიცინო დაზღვევის პროექტების ხარჯზე, (დაზღვევის ამ მიმართულებით კომპანია კვლავაც 14%–იან ნიშას ინარჩუნებს) არამედ, კომპანიას შენარჩუნებული აქვს ზრდის 15%–20%–იანი მაჩვენებელი, დაზღვევის თითქმის ყველა სახეობაში, რაც უდავოდ სწორი დაგეგმარებისა და გუნდური მუშაობის შედეგია.