„ირაოს“ ვებ-გვერდის მომხმარებელი პასუხისმგებელია ვებ-გვერდზე თავის მიერ განხორციელებულ ნებისმიერ ქმედებაზე. ვებ-გვერდით სარგებლობისას მომხმარებელი ადასტურებს, რომ არის სრულწლოვანი ქმედუნარიანი პირი, ვებ-გვერდზე ავტორიზაციისას წარმოადგენს სრულ, ზუსტ და უტყუარ ინფორმაციას, აღნიშნული ინფორმაციის „ირაოსთვის“ მიწოდება ხდება მისი სურვილით და მას გააჩნია შესაბამისი უფლებამოსილება, ისარგებლოს „ირაოს“ მომსახურებით.

მომხმარებელი თანახმაა, „ირაომ“ შეინახოს და დაამუშაოს მის მიერ მიწოდებული ინფორმაცია ვებ-გვერდის ფუნქციონირების, ტრანზაქციების ისტორიის შექმნის, სრულყოფილი სადაზღვევო მომსახურების გაწევის, სადაზღვევო ანაზღაურების გაცემის, მომხმარებელთა განცხადებების განხილვის, სხვადასხვა სახის/შინაარსის სახელშეკრულებო ურთიერთობების შესრულების, დასაქმების, პირდაპირი მარკეტინგის, „ირაოზე“ კანონმდებლობით დაკისრებული ვალდებულებების შესრულების მიზნით.

მომხმარებელი პასუხისმგებელია საკუთარი სარეგისტრაციო მონაცემების (ელ. ფოსტა, პაროლი და სხვა ნებისმიერი სარეგისტრაციო მონაცემები) უსაფრთხოდ შენახვაზე.

მომხმარებელი თანახმაა, მიიღოს „სმს“ შეტყობინებები და ელექტრონული წერილები „ირაოსგან“ მის მიერ მითითებულ მონაცემებზე (ელ. ფოსტა, მობილური ტელეფონის ნომერი). მომხმარებლის მიერ მითითებულ მონაცემებზე გაგზავნილი შეტყობინება (ელექტრონული წერილი ან/და მოკლე ტექსტური შეტყობინება) ჩაითვლება ოფიციალურად მიღებულად. აღნიშნული ინფორმაციის ცვლილების შემთხვევაში მომხმარებელი ვალდებულია, დაუყოვნებლივ შეატყობინოს ამის შესახებ „ირაოს“ და მიაწოდოს ახალი ინფორმაცია.

„ირაოს“ ვებ-გვერდზე განთავსებული ყველა მასალა და ობიექტი, მათ შორის: ლოგო/ები, დიზაინის ელემენტები, ტექსტი, გრაფიკული გამოსახულებები, ილუსტრაციები, პროგრამები, და სხვა ობიექტები წარმოადგენს „ირაოს“ ინტელექტუალურ საკუთრებას. მოქმედი კანონმდებლობით გათვალისწინებული გამონაკლისების გარდა, იკრძალება: კონტენტის ან მისი ნებისმიერი ნაწილის კოპირება, გადამუშავება, გავრცელება, გამოქვეყნება, ჩამოტვირთვა, გადაცემა, გაყიდვა ან ნებისმიერი სხვა სახით გამოყენება, „ირაოს“ წერილობითი ნებართვის გარეშე.

„ირაოს“ აქვს უფლება, თავად შეამოწმოს და განსაზღვროს, არის თუ არა მომხმარებლის მიერ მოწოდებული ინფორმაცია ამომწურავი, ასევე, სინამდვილესა და „პირობებთან“ შესაბამისი, ხოლო შეუსაბამობის შემთხვევაში გააუქმოს სადაზღვევო პოლისი/ხელშეკრულება და დახუროს მომხმარებლის ანგარიში წინასწარი გაფრთხილების საფუძველზე ან მის გარეშე.

„ირაოს“ ვებ-გვერდზე მითითებული პროდუქტები/მომსახურება რეგულირდება შესაბამისი სადაზღვევო ხელშეკრულებებით.