მანქანის დაზღვევა: ფასები - რა ღირს მინიმალური და სრული პაკეტი

მანქანის დაზღვევა საქართველოში არ არის მხოლოდ იურიდიული ვალდებულება –  ეს არის ფინანსური უსაფრთხოების ერთ-ერთი მთავარი წინაპირობა.  გზაზე გაუთვალისწინებელი შემთხვევები ნებისმიერ დროს შეიძლება მოხდეს: ავარია, სტიქიური უბედურება, ქურდობა ან მესამე პირის მიერ მიყენებული ზიანი. ასეთ სიტუაციებში, თუ ავტომობილი დაზღვეული არ არის, მის შესაკეთებლად სრული ხარჯის გაღება მფლობელს უწევს.

სწორედ ამიტომ, ბევრი მძღოლი მანქანის დაზღვევას დიდ მნიშვნელობას ანიჭებს და შერჩევის პროცესში პირველ რიგში დაზღვევის ფასს აქცევს ყურადღებას.  ამ მხრივ კი საქართველოში ავტომობილის დაზღვევის ბაზარი საკმაოდ კონკურენტულია: სხვადასხვა კომპანია განსხვავებულ ტარიფებსა და პაკეტებს გვთავაზობს. 

რა ფაქტორები განსაზღვრავს მანქანის დაზღვევის ფასს?

მანქანის დაზღვევის ფასი თითქმის ყოველთვის ინდივიდუალურად იანგარიშება და დამოკიდებულია კონკრეტულ რისკ-ფაქტორებზე, რომელთაგან ერთ-ერთი არის ავტომობილის ტიპი და ასაკი. ძვირადღირებული მანქანები, მაგალითად ახალი პრემიუმკლასის ჯიპები ან სპორტული მოდელები, ბუნებრივია, უფრო მაღალ დაფარვას საჭიროებენ, ვიდრე ჩვეულებრივი მსუბუქი ავტომობილები. ასევე, რაც უფრო ძველია მანქანა, მით უფრო მაღალია მისი დაზიანების ალბათობა, თუმცა ამავდროულად, მისი საბაზრო ღირებულებაც დაბალია, რაც ზოგჯერ ტარიფის შემცირებას იწვევს.

მეორე მნიშვნელოვანი ფაქტორია მძღოლის ასაკი და გამოცდილება. ახალგაზრდა მძღოლები, ან ისინი, ვისაც წარსულში საგზაო შემთხვევები და ჯარიმები უფიქსირდებათ, სადაზღვევო კომპანიებისთვის ხშირად  მაღალი რისკის კატეგორიას მიეკუთვნებიან. ამის გამო, მათთვის დაზღვევის პრემია უფრო მაღალია. ამის საპირისპიროდ, გამოცდილი მძღოლები, რომლებიც დიდი ხანია მართავენ ავტომობილს უფრო ხელსაყრელ პირობებსა და დაბალ ტარიფებს იღებენ.

დაზღვევის საფასურს მნიშვნელოვნად განსაზღვრავს დაფარვის ტიპი და დამატებითი სერვისები. თუ აირჩევთ მხოლოდ მესამე პირის პასუხისმგებლობის დაზღვევას, ეს იქნება ყველაზე ხელმისაწვდომი ვარიანტი, თუმცა სრული დაცვა – ქურდობისგან, სტიქიური უბედურებისგან და საკუთარი ავტომობილის დაზიანებისგან, მოითხოვს სრული კასკო პაკეტის არჩევას, რომლის ღირებულებაც უფრო მაღალია. 

მინიმალური და სრული დაზღვევის პაკეტები –  ძირითადი განსხვავებები

მინიმალური დაზღვევის პაკეტი, რომელსაც ხშირად ,,მესამე პირის პასუხისმგებლობის დაზღვევა’’ ეწოდება, ფარავს მხოლოდ იმ ზიანს, რომელსაც თქვენ მიაყენებთ სხვა ადამიანების ქონებას ან ჯანმრთელობას საგზაო შემთხვევის დროს. მარტივად რომ ვთქვათ, თუ თქვენი მიზეზით მოხდა ავარია და დაზიანდა სხვისი მანქანა ან დაშავდა ადამიანი,  ხარჯებს სადაზღვევო კომპანია დაფარავს, თუმცა თქვენი საკუთარი მანქანის შეკეთება ამ პაკეტში არ შედის – ეს თანხა თქვენ თავად უნდა გადაიხადოთ.

სრული კასკო პაკეტი ბევრად ფართო დაცვას უზრუნველყოფს და მოიცავს თითქმის ყველა შესაძლო რისკს. ეს ფარავს ავტომობილის დაზიანებას ავარიის შედეგად (თქვენი ბრალის მიუხედავად), ქურდობას, ხანძარს, სტიქიურ უბედურებებს, მინის დაზიანებას, ვანდალიზმს და, რა თქმა უნდა, მესამე პირის მიმართ პასუხისმგებლობასაც.  ეს პაკეტი განსაკუთრებით მნიშვნელოვანია ახალი ან ძვირადღირებული მანქანებისთვის, რომელთა შეკეთების ხარჯები შესაძლოა ძალიან მაღალი იყოს.

არჩევანი მინიმალურ და სრულ პაკეტს შორის დამოკიდებულია თქვენს საჭიროებებზე, ბიუჯეტსა და მანქანის ღირებულებაზე. ძველი ავტომობილის შემთხვევაში, ხშირად მინიმალური პაკეტიც კი საკმარისია. ახალი ან ძვირადღირებული ავტომობილისთვის კი სრული კასკო პაკეტი საკმაოდ გონივრული ინვესტიციაა. 

მანქანის დაზღვევა: ფასების საშუალო დიაპაზონი საქართველოში

მიუხედავად იმისა, რომ დაზღვევის ტარიფები ინდივიდუალურად განისაზღვრება, შესაძლებელია ფასების დიაპაზონის გამოყოფა, რაც მძღოლებს საშუალებას მისცემს წინასწარ შეაფასონ შესაძლო ხარჯები.

როგორც აღვნიშნეთ, მინიმალური დაზღვევის პაკეტი, ანუ მესამე პირის პასუხისმგებლობის სავალდებულო დაზღვევა, ყველაზე ხელმისაწვდომია. მისი წლიური ფასი საშუალოდ 120 ლარის ფარგლებში მერყეობს. ეს არის ფიქსირებული ტარიფი, რომლის საბოლოო ღირებულებასაც მხოლოდ არჩეული ლიმიტი განსაზღვრავს. სრული კასკო პაკეტის ფასი კი მკვეთრად განსხვავდება მესამე პირის დაზღვევისგან და მკაცრად არის დამოკიდებული ავტომობილის საბაზრო ღირებულებაზე, მძღოლის პროფილსა და რისკის პარამეტრებზე. 

მნიშვნელოვანია აღინიშნოს, რომ ზუსტი ფასი ყოველთვის ინდივიდუალურად გამოითვლება. სადაზღვევო კომპანიები იყენებენ სპეციალურ კალკულატორებს და ითვალისწინებენ რამდენიმე ძირითად პარამეტრს – მანქანის მონაცემებიდან დაწყებული, თქვენი პირადი ინფორმაციით დამთავრებული. სწორედ ამიტომ, სანამ საბოლოო გადაწყვეტილებას მიიღებთ, რეკომენდებულია მოითხოვოთ ინდივიდუალური კალკულაცია რამდენიმე კომპანიისგან და შეადაროთ, რა პირობებს გთავაზობთ თითოეული მათგანი.  

როგორ მივიღოთ მაქსიმალური დაცვა მინიმალური დანახარჯით

დაზღვევის ფასის შემცირება შესაძლებელია ისე, რომ ხარისხზე უარი არ თქვათ – მთავარია იცოდეთ, როგორ.

პირველი და ერთ-ერთი ყველაზე ეფექტური გზა დაზოგვისთვის არის სხვადასხვა შეთავაზების შედარება. ბაზარზე მრავალი კომპანიაა და თითოეული მათგანი ერთსა და იმავე ტიპის პაკეტზე განსხვავებულ ტარიფებს გთავაზობთ.  დახარჯეთ ცოტა დრო და შეადარეთ მინიმუმ 3–4 კომპანიის პირობები. ხშირად ფასთა სხვაობა შეიძლება საკმაოდ თვალშისაცემი იყოს, თუმცა მხოლოდ დაბალი ფასი არ უნდა იყოს გადამწყვეტი – მნიშვნელოვანია კომპანიის რეპუტაცია, მომსახურების ხარისხი და ანაზღაურების სისწრაფე.

დაზოგვის კიდევ ერთი გზა არის ფრანშიზის გონივრული შერჩევა. ფრანშიზა წარმოადგენს იმ თანხას, რომელსაც დაზღვეული თავად იხდის შემთხვევის დროს, ხოლო დანარჩენს კომპანია ანაზღაურებს. მაგალითად, თუ აირჩევთ 200-ლარიან ფრანშიზას, ავარიის შემთხვევაში პირველი 200 ლარი თქვენ უნდა გადაიხადოთ, ხოლო დანარჩენს – კომპანია დაფარავს. 

დაბოლოს, ყოველთვის მიაქციეთ ყურადღება კომპანიის სანდოობას. წაიკითხეთ მომხმარებელთა რეალური შეფასებები, გაიგეთ რამდენად ეფექტურად და კეთილსინდისიერად ასრულებენ ისინი თავიანთ ვალდებულებებს. დაბალი ტარიფი არაფერს ნიშნავს, თუ კომპანია დროულად არ ანაზღაურებს ზიანს მაშინ, როცა ეს ყველაზე მეტად გჭირდებათ.

რატომ უნდა აირჩიოთ ,,ირაო’’ – სანდოობა და მოქნილი პირობები

,,ირაო’’ არის ერთ-ერთი წამყვანი და ყველაზე საიმედო სადაზღვევო კომპანია საქართველოში, რომელიც მომხმარებელს გამჭვირვალე ტარიფებსა და მაღალი ხარისხის სერვისს სთავაზობს. კომპანია გამოირჩევა სწრაფი და ხარისხიანი მომსახურებით – როგორც დაზღვევის შეძენის, ისე მომსახურების მიღების ეტაპზე. გარდა ამისა, ,,ირაო’’ სარგებლობს მომხმარებელთა მაღალი ნდობით, რაც კომპანიის პროფესიონალიზმსა და ხარისხზე მეტყველებს. 

ასე რომ, თუ მანქანის დაზღვევა გსურთ, დაგვიტოვეთ საკონტაქტო ინფორმაცია ,,ირაოს’’ ვებგვერდზე და მიიღეთ ინდივიდუალური შეთავაზება რამდენიმე წუთში!