ავტოდაზღვევა საქართველოში - გზამკვლევი მძღოლებისთვის

ხშირად უსიამოვნო თავგადასავლები თავს მოულოდნელად გვატყდება – ერთ ჩვეულებრივ დილას, გზად სამსახურში მიმავალს, სწორედ მაშინ, როცა შუქნიშანზე მწვანე ციმციმებს, მარჯვნიდან გზა შეიძლება უცხო მანქანამ გადმოგვიჭრას და მსუბუქი შეჯახებაც საკმარისი იყოს იმისთვის, რომ ჩვენი დღე თავდაყირა დადგეს. ასეთ დროს თავში მხოლოდ ერთი აზრი ტრიალებს: ,,და ახლა რა უნდა გავაკეთო?’’.

ასე იწყება ბევრი გაუთვალისწინებელი სიტუაცია, რომელიც ავტომობილის მფლობელისთვის შეიძლება ყოველდღიურ გამოწვევად იქცეს. ხშირად დაზიანება თითქოს უმნიშვნელოა, მაგრამ მისი გამოსწორება არცთუ ისე მარტივია.  როცა ისმის შეკითხვები: ვინ გადაიხდის? ვის ეკისრება პასუხისმგებლობა? რა ნაბიჯები უნდა გადაიდგას? – სწორედ აქ ჩანს, რამდენად მნიშვნელოვანი გადაწყვეტილებაა სწორად შერჩეული ავტოდაზღვევა- მექანიზმი, რომელიც საჭიროების შემთხვევაში დროულად, ზედმეტი ფორმალობებისა და სირთულეების გარეშე მუშაობს. 

მანქანის დაზღვევა – ფუფუნება თუ აუცილებლობა?

საქართველოს გზებზე მოძრაობა ყოველდღე ახალ გამოწვევებთან არის დაკავშირებული. საგზაო ინფრასტრუქტურა ვითარდება, მაგრამ ტრანსპორტის რაოდენობა და მოძრაობის ინტენსივობა მუდმივად მატულობს. ამ გარემოში სიჩქარის გადაჭარბება, გზის დაზიანებები და მოულოდნელი სიტუაციები ხშირად იწვევს ავტოსაგზაო შემთხვევებს. სწორედ ამიტომ, ავტოდაზღვევა საქართველოში არა მხოლოდ ფუფუნების საგანი, არამედ უსაფრთხოების აუცილებელი ელემენტია როგორც ახალბედა, ისე გამოცდილი მძღოლებისთვის. 

გარდა ამისა, დაზღვევა ავტომობილის დაზიანების შემთხვევების გარდა, გამოსადეგია მაშინაც, როდესაც ზიანი მესამე პირების ჯანმრთელობას ან ქონებას ადგება. საქართველოს კანონმდებლობა მკაცრად ადგენს მძღოლის პასუხისმგებლობას საგზაო ინციდენტებისას, ამიტომ დაზღვევა მძღოლს სერიოზულ სამართლებრივ მხარდაჭერასაც უწევს – მისი არარსებობის შემთხვევაში კი გიწევთ გადაიხადოთ თანხა, რომელიც ხშირად დაზღვევის პაკეტის ღირებულებას მნიშვნელოვნად აღემატება.

რა საფრთხეები ემუქრება ავტომობილს დაზღვევის გარეშე?

დაზღვევის გარეშე დარჩენილი ავტომობილი მუდმივი რისკის ქვეშ არის. საგზაო შემთხვევები – იქნება ეს მსუბუქი შეჯახება თუ სერიოზული ავარია, შეიძლება ნებისმიერ დროს მოხდეს და ათასობით ლარის ზარალი გამოიწვიოს. ასეთ სიტუაციაში კი, როცა მანქანა დაუზღვეველია, ყველა ხარჯი მფლობელის პასუხისმგებლობა ხდება, თანაც  არა მხოლოდ ტექნიკური, არამედ იურიდიული თვალსაზრისითაც.

ზოგადად, პირველი და ყველაზე გავრცელებული საფრთხე საგზაო შემთხვევებია – თუნდაც მცირე შეჯახება ან ნაკაწრი საკმარისია, რომ ავტომობილის მფლობელმა სარემონტო სამუშაოებში რამდენიმე ასეული ან ათასობით ლარი გადაიხადოს. განსაკუთრებით პრობლემურია შემთხვევები, როცა მეორე მხარე ზიანის ანაზღაურებას სამართლებრივი გზით ითხოვს  – ეს ფინანსურად ბევრად ძვირი და ემოციურად მძიმე პროცესია.

დამატებითი საფრთხე მოდის ისეთი ფაქტორებიდან, რომლებიც სრულიად სპონტანურად წარმოიქმნება: სტიქიური მოვლენები, როგორიცაა ძლიერი სეტყვა, წყალდიდობა ან ქარიშხალი, ხშირად გაჩერებულ ავტომობილსაც აზიანებს. ამის პარალელურად, იზრდება ქურდობისა და ვანდალიზმის შემთხვევებიც, რაც დაუზღვეველი მანქანისთვის მნიშვნელოვანი პრობლემის წინაპირობა შეიძლება გახდეს.  

სერიოზული რისკია მესამე პირის პასუხისმგებლობაც – სიტუაცია, როცა თქვენ მიერ გამოწვეული ავარიის შედეგად ზიანი სხვა ადამიანს ადგება – იქნება ეს მისი ავტომობილი, უძრავი ქონება თუ ჯანმრთელობა. ასეთი შემთხვევების დროს ზარალის ანაზღაურება სამართლებრივი ვალდებულება ხდება და ხშირად სწორედ აქედან იწყება ის ფინანსური და სამართლებრივი პრობლემები, რომლებიც ერთი შეხედვით მცირე ინციდენტისგან შეიძლება განვითარდეს.

ავტომობილის დაზღვევა – ძირითადი ტიპები 

ავტოდაზღვევა საქართველოში რამდენიმე განსხვავებულ ტიპს მოიცავს. თითოეული მათგანი სხვადასხვა საჭიროებაზეა მორგებული – ეს შეიძლება იყოს მანქანის სრული დაცვა ყველა შესაძლო რისკისგან, მხოლოდ კონკრეტული შემთხვევების დაფარვა ან მესამე პირის მიმართ პასუხისმგებლობის დაზღვევა. სწორი პოლისის შერჩევა დამოკიდებულია როგორც მძღოლის გამოცდილებაზე, ისე ავტომობილის ღირებულებასა და სხვა მახასიათებლებზე. ქვემოთ მიმოვიხილავთ ავტოდაზღვევის ორ ძირითად კატეგორიას, რომელიც კონკრეტულად ,,ირაოს’’ მომხმარებლებისთვის არის ხელმისაწვდომი. 

ავტოდაზღვევა კასკო – ეს არის ფართო და სრულყოფილი პოლისი, რომელიც ითვალისწინებს ფაქტობრივად ყველა ძირითად რისკს. მასში შედის ავტოსაგზაო შემთხვევებით გამოწვეული ზარალის სრულფასოვანი ანაზღაურება, ასევე სტიქიური მოვლენებით (სეტყვა, ქარიშხალი, წყალდიდობა), ვანდალიზმით, ხანძრით, აფეთქებით, საგნების დაცემითა და ქურდობით გამოწვეული ზარალი. გარდა ამისა, სრულ კასკოში გათვალისწინებულია მანქანის ნაწილებისა და აქსესუარების დაზიანების ან დაკარგვის კომპენსაცია. ეს პოლისი გთავაზობთ ,,ირაო-ასისტანსის’’ მომსახურებას -ევაკუატორს, საბურავის გამოცვლას, საწვავის ადგილზე მიწოდებას და სხვა სერვისებს, რომლებიც მძღოლის ცხოვრებას კრიზისულ სიტუაციებში მნიშვნელოვნად ამარტივებს.  

პასუხისმგებლობის დაზღვევა – ეს არის  დაზღვევა, რომელიც ფარავს ზარალს, იმ შემთხვევებში, როცა მესამე პირის ავტომობილს, ქონებას ან ჯანმრთელობას ზიანი თქვენი მიზეზით ადგება. მაგალითად, თუ ავარიის დროს არა თქვენი,  არამედ სხვისი ქონება ან ჯანმრთელობა დაზიანდა, „ირაო’’ სრულად აანაზღაურებს ამ ზარალს. აღსანიშნავია, რომ მესამე პირის პასუხისმგებლობის დაზღვევა დღეს ერთ-ერთ ყველაზე საჭირო და გავრცელებულ პროდუქტად მიიჩნევა.

დაფარვები, რომლის შეძენაც დამატებით შეგიძლიათ 

„ირაოს’’ ავტომობილის დაზღვევა არ შემოიფარგლება მხოლოდ ძირითადი შეთავაზებებით. პაკეტში შესაძლებელია ისეთი დამატებითი სერვისების ჩართვა, რომლებიც დაზღვევის ეფექტიანობას ბევრად გააუმჯობესებს. 

მაგალითად, დამატებით შესაძლებელია მძღოლისა და მგზავრების უბედური შემთხვევისგან დაზღვევა, რომლის საშუალებითაც ავარიის შემთხვევაში ანაზღაურდება  მანქანაში მყოფი ადამიანების ჯანმრთელობის დაზიანებით გამოწვეული ხარჯები. ასევე ხელმისაწვდომია მძღოლის დაზღვევის დამატება – რაც ნიშნავს იმას, რომ თუ მართავთ მანქანას, რომელიც თქვენ არ გეკუთვნით, მაინც დაცული ხართ იმ რისკებისგან, რომლებიც ავარიის ან სხვა გაუთვალისწინებელი შემთხვევის დროს შეიძლება წარმოიშვას.

მანქანის დაზღვევა – ფასები და ტარიფზე მოქმედი ფაქტორები

როგორ განისაზღვრება მანქანის დაზღვევის ფასები – ეს არის ყველაზე აქტუალური კითხვა, რომლის პასუხიც რამდენიმე ისეთ ასპექტზეა დამოკიდებული, როგორიცაა:

ავტომობილის ასაკი, ბრენდი, ძრავის მოცულობა – ტარიფის ფორმირებაზე მნიშვნელოვან გავლენას ახდენს თვითონ ავტომობილის მახასიათებლები. რაც უფრო ძვირადღირებული ან ძველია მანქანა, მით უფრო იზრდება მისი შეკეთების ან ზიანის ანაზღაურების ღირებულება. მაგალითად, პრემიუმ ბრენდები, როგორც წესი, უფრო ძვირადღირებულ დაზღვევას მოითხოვს, ვიდრე პოპულარული საშუალო კლასის მოდელები. 

მძღოლის ასაკი და მართვის გამოცდილება – მეორე მნიშვნელოვანი ფაქტორი თავად მძღოლია – მისი ასაკი და მართვის სტაჟი. როგორც წესი, ახალბედა მძღოლებისთვის დაზღვევა ოდნავ ძვირია, რადგან რისკიც შედარებით მეტია.  სტატისტიკურად, რაც უფრო გამოცდილია მძღოლი, მით ნაკლებია ზარალის ალბათობა – შესაბამისად, ფასიც უფრო დაბლა იწევს.  

პაკეტის ტიპი და სადაზღვევო პირობები – დაზღვევის ფასი მნიშვნელოვნად დამოკიდებულია იმაზე, რომელ პაკეტს ირჩევთ და რამდენად ფართოა დაფარვის არეალი. სრული კასკო, რომელიც მოიცავს თითქმის ყველა რისკს – ავარიიდან დაწყებული სტიქიური მოვლენებით დასრულებული – ლოგიკურად, უფრო ძვირია, ვიდრე მხოლოდ პასუხისმგებლობის დაზღვევის პაკეტი.  ფასზე ასევე გავლენას ახდენს ფრანშიზა (ზარალის ის ნაწილი, რასაც თავად მძღოლი ფარავს) და დამატებითი სერვისების ჩართვა. რაც უფრო მოქნილი და ყოვლისმომცველია პირობები, მით უფრო იზრდება თანხა, თუმცა, ამის პირდაპირპროპორციულად მეტია სარგებელიც, რომელსაც კონკრეტული პოლისის მეშვეობით იღებთ. 

პრაქტიკული რჩევები საგზაო შემთხვევის დროს

ავარიული სიტუაცია ყოველთვის სტრესულია, მაგრამ ,,ირაოს’’ პროფესიონალური სერვისი ამ პროცესს მნიშვნელოვნად ამარტივებს. 

დაზღვეულისთვის პირველი და ყველაზე მნიშვნელოვანი ნაბიჯი არის დაუყოვნებლივი კავშირი სადაზღვევო კომპანიასთან. „ირაოს’’ ავტოდაზღვევის პაკეტების მფლობელებს შეუძლიათ დარეკონ ცხელ ხაზზე, რომელიც ხელმისაწვდომია 24/7-ზე.

ოპერატორი შეგივსებთ პირველადი შეტყობინების ფორმას, გიკარნახებთ – როგორ იმოქმედოთ ადგილზე და საჭიროების შემთხვევაში გამოგიგზავნით ევაკუატორს ან ტექნიკურ დახმარებას.

მნიშვნელოვანია, რომ არ გადააადგილოთ მანქანები ან არ დატოვოთ შემთხვევის ადგილი, ვიდრე დაზღვევის წარმომადგენელი ან საპატრულო პოლიცია არ მოგცემთ ნებართვას.

კომპენსაციის პროცესი 

შემთხვევის დარეგისტრირების შემდეგ „ირაო’’ იწყებს ზარალის შეფასების პროცესს. დაზღვევის ტიპიდან გამომდინარე, ანაზღაურება შეიძლება მოიცავდეს:

• დაზიანებული ავტომობილის შეკეთებას პარტიორ სერვისცენტრებში
• კომპენსაციას საბაზრო ღირებულების მიხედვით
• მესამე პირის დაზიანებული ქონების ანაზღაურებას

თქვენ უბრალოდ მიჰყევით ინსტრუქციებს, შეაგროვეთ ყველა საჭირო დოკუმენტი და დაელოდეთ შეტყობინებას ანაზღაურების დეტალებზე – ყველაფერ დანარჩენზე ჩვენ ვიზრუნებთ!